Qonaevta vandaldar jańa aıaldamalardy qıratyp ketti
QONAEV. KAZINFORM – Qonaevta jańa aıaldamalardy qıratyp ketken vandaldar izdestirilip jatyr.
Qonaev turǵyndary qıraǵan jańa aıaldamalardy vıdeoǵa túsirip, jelige saldy.
«Bizdiń Qonaevta jańa aıaldamalardy qıratyp tastady. Ol kimge kerek boldy?! Bul - tek vandalızm akty emes, bul qoǵamdyq tártipti buzý jáne bizdiń jaıly qalalyq ortaǵa degen quqyǵymyzdy taptaý. Shý kóterip, kinálilerdi jaýapqa tartýdy, olardy jazalaýdy talap etemiz», - dep jazylǵan postta.
Qonaev qalasynyń jergilikti polıtsııa qyzmeti aıaldamalardy qıratqan buzaqylardyń izdestirilip jatqanyn habarlady.
«QR ÁQBtK-niń 147-1 baby boıynsha ákimshilik is qozǵaldy. Qazirgi ýaqytta bótenniń múlkin joıý nemese búldirý faktisi boıynsha izdestirý sharalary júrgizilýde», - dep habarlady Jergilikti polıtsııa qyzmeti.
