Qonaevta shomylý maýsymyna daıyndyq bastaldy

QONAEV. KAZINFORM — Qala aýmaǵynda shomylýǵa ruqsat berilgen 97 jaǵajaı bar.

Qonaev ákimdiginiń málimetinshe, qala aýmaǵynda 140 týrızm nysany ornalasqan. Investıtsııalyq qarjyǵa boı kóteretin demalys oryndarynyń sany – 6. Onyń bireýi bıyl qoldanysqa beriledi dep josparlanyp otyr.

«Qalalyq jaǵajaıda 40 kásipker jumys isteıtin bolady. Jaýapty mekeme dárethanalar, 20 qoqys jáshigin ornatady. Kásipkerler de óz aýmaǵynda ájethana men jýynatyn oryn qoıýy qajet. Sondaı-aq munda aqparattyq bannerler ilinip, sý kóligi turaǵy jasalady, belgilengen aýmaqta ǵana júzý úshin sýǵa plastık zattar (býı) ornatylmaq»,- dep habarlady ákimdikten.

Jazǵy maýsymda qaýipsizdikti saqtaý maqsatynda 50 qutqarýshy, 7 júzý quraly jumyldyrylady.

«Qaladaǵy týrızm salasynyń damýy úshin aýqymdy is-sharalar ótetin bolady. 2023 jyly «Oceanman», «Rok festıvali», «Rock family fast» sharasy ótken edi»,- dep atap ótti Qonaev qalasy ákimdiginen.