Qonaevta ruqsat etilmegen jerde saýda jasaǵandar jaýapqa tartyldy
Qonaev qalasyndaǵy 3-shi shaǵyn aýdanda belgilenbegen orynda saýda jasaǵandar qala kelbetin buzyp, kósheni qoqys alańyna aınaldyrǵan.
Bul týraly qala ákimdigine turǵyndar shaǵymdanǵan bolatyn. Osyǵan oraı, qalanyń kásipkerlik, turǵyn-úı kommýnaldyq sharýashylyǵy bólimderiniń mamandary polıtsııa basqarmasynyń qyzmetkerlerimen birlesip, reıdke shyqty, dep habarlaıdy Kazinform.
«Reıdtiń nátıjesinde QR ÁQBtK-niń 204-babyna sáıkes 2 adamǵa, abattandyrý erejesin buzý faktisi boıynsha QR ÁQBtK-niń 505-babyna sáıkes 1 adamǵa aıyppul salyndy», - dep habarlady ákimdiktiń baspasóz qyzmeti.
Ákimdik sondaı-aq mamandar turǵyndarǵa belgilenbegen jerde saýda jasaýǵa bolmaıtynyn aıtyp, kásipkerlermen túsindirý jumystaryn júrgizgenin habarlady. Atalmysh sharalar ary qaraı jalǵasyn tabady.
