Qonaevta órtengen kópqabatty úıden 20 gaz ballony syrtqa shyǵaryldy

QONAEV. QazAqparat - Qonaevta órtengen tórtqabatty úıden 20 gaz ballony qaýipsiz jerge shyǵaryldy, dep habarlaıdy QazAqparat tilshisi.

«2 tamyzda 02:20 mınýtta Almaty oblysy TJD kezekshi bólimine habar túsken. Onda Qonaev qalasynyń 2 yqshamaýdanynda kóppáterli tórtqabatty úıde páter janyp, ottyń shatyrǵa aýysqany aıtylǵan. Qabyrǵalary paneldi (betondy), tóbesi jumsaq, ústine aǵash kesilgen metall ornatylǵan, jylytý ortalyqtandyrylǵan, ortalyqtandyrylǵan gazben jabdyqtaý joq. Órt ornyna dereý Almaty oblysy TJD kúsh-quraldary jiberildi. Qonaev qalasyndaǵy eń jaqyn órt sóndirý bóliminen qashyqtyq - 2,5 shaqyrym. Eń jaqyn órt sóndirý gıdranty Almaty jáne Qoıshymanov kósheleriniń qıylysynda 300 metr qashyqtyqta ornalasqan»,- delingen vedomstvo habarlamasynda.

Vedomstvonyń aqparatyna sáıkes,birinshi bólim kelgen kezde kóppáterli turǵyn úıdiń shatyry tolyǵymen otqa oranǵan.

Órt sóndirýge shatyrdyń jabyq lıýkteri kedergi jasady, ony buzýǵa týra keldi (qulyppen qulyptaǵan) sondaı-aq aǵash taqtaıshanyń ústindegi metall shatyry qıyndyq týǵyzdy.

Órt shyqqan páterde kóshege shyǵarylǵan gaz ballonynyń jarylýyna jol berilmedi.

Ol kóshege shyǵaryldy.

Jeke quram páterlerden 20 gaz ballonyn syrtqa shyǵardy.

Evakýatsııalanǵan turǵyndardyń jalpy sany - 210 adam, onyń ishinde 160 adam óz betinshe shyǵyp úlgerdi.

Qyzmetkerler 50 adamdy evakýatsııalady, onyń ishinde 10 bala bar. Medıtsınalyq kómekke muqtaj emes.

Saǵat 04:47-de tilsiz jaý oqshaýlanyp, saǵat 06:00-de sóndirildi. Qurban bolǵandar men zardap shekkender joq.

Órttiń taralýynyń sebebi - keshigip habarlanýy.

Órttiń sebebin anyqtaý úshin Almaty oblysy TJD anyqtaý bóliminiń jáne zertteý synaq órt zerthanasynyń qyzmetkerleri oqıǵa ornynda.

Órt sóndirýge Almaty oblysy TJD boıynsha 50 qyzmetker men 12 tehnıka, jergilikti atqarýshy organdardan 8 adam jáne 4 tehnıka, jergilikti polıtsııa qyzmetinen 30 qyzmetker jáne 8 tehnıka, eki brıgada jáne 4 qyzmetkerden quralǵan jedel medıtsınalyq járdem brıgadasy jumyldyryldy.

Almaty oblysy TJD qaýipsizdik erejesi boıynsha, gaz jáne gazben jabdyqtaý týraly zańǵa sáıkes eki qabattan joǵary ǵımaratta gaz ballonyn paıdalanýǵa jol berilmeıtinin eske saldy.

Eger úıdiń úsh jáne odan da kóp qabaty bolsa, onda gaz ballondaryn paıdalanýǵa tyıym salynǵan.