Qonaevta mektep oqýshylary jınalyp tóbeles shyǵardy

QONAEV. KAZINFORM – Qonaevta mektep oqýshylarynyń jınalyp, tóbelesken sáti vıdeoǵa túsip qaldy.

Vıdeodaǵy jazbada balalardyń temirjol boıynda jınalǵany jazylǵan.

«Biz 4-shi shaǵyn aýdanda turamyz. Art jaǵymyzda «Sıtı+» bar. Bul jaqta kúnde derlik balalar tóbelesedi. Tipti birin-biri óltirýge shaq qalady. Olardy kórgen saıyn urysamyz, qýyp jiberemiz, bir nárse bolyp qalmasyn dep arttarynan qýamyz. Biz buǵan deıin vıdeoǵa túsirmegenbiz. Búgin taǵy qaıtalanǵan soń, túsirip aldym. Uldy jerge qulatyp, ura bastaǵan soń, olardy taǵy qýa bastadyq. Olar qashyp ketti. Bul naǵyz másele ári qorqynyshty», - delinedi jazbada.

Qonaev qalalyq bilim basqarmasy janjalǵa qatysqan oqýshylardyń anyqtalǵanyn habarlady.

«Mektep ákimshiligi oqýshylarmen qatar, olardyń ata-analarymen profılaktıkalyq áńgime ótkizip jatyr. Atalǵan másele baqylaýda», - dep habarlady Qonaev qalalyq bilim basqarmasy.