Qonaevta kúndiz basseınge sý toltyryp, gazon sýarýǵa tyıym salyndy

QONAEV. KAZINFORM – Qonaev qalasynda kóppáterli úılerdiń joǵary qabatyna sý kóterilmeı, qysymnyń tómendeýi baıqaldy. Ákimdik ony aptap ystyq bolýymen jáne aýyz sýdyń jasyl jelekti sýarýǵa qoldanylýymen túsindirdi.

Sý tapshylyǵy máselesin sheshý úshin «Qonaev Sý Arnasy» mekemesi 1 tamyzdan bastap barlyq demalys oryndarynda kúndiz basseınderdi toltyrýǵa jáne gazondardy sýarýǵa tyıym saldy. Budan bólek, mekeme mamandary shaǵyn aýdandardyń ishindegi qudyqtardyń qurylǵylaryn tekserip, retke keltirdi. Nátıjesinde sý qysymy bir qalypqa tústi.

- Qonaevta aýyz sý jelileriniń 80 paıyzy tozyǵy jetken. Máseleni sheshý maqsatynda Keshendi damý josparyna sáıkes, 6 jobanyń qujattary daıyndalýda, - dep habarlady qala ákimdiginen.

Eske salaıyq, buǵan deıin Qonaev ákimdigi jabaıy saýda oryndarymen qalaı kúresip jatqanyn jazǵanbyz.