Qonaevta qubyr jarylyp, biraz úı jylý men ystyq sýsyz qaldy
QONAEV. KAZINFORM — Almaty oblysynyń ákimshilik ortalyǵy Qonaev qalasynda № 2 shaǵyn aýdan turǵyndary ystyq sý men jylýsyz otyr. Oǵan turǵyn úılerdiń birinde qubyr jarylýy sebep bolǵan.
Qonaev ákimdiginiń baspasóz qyzmeti 17:00–ge deıin jóndeý jumystary júretinin habarlady.
— Qonaevta № 2 shaǵyn aýdandaǵy 2, 3, 7-turǵyn úılerge jylý beretin qubyr jaryldy. Qazirgi tańda jylý jelisindegi basty jabdyq aýystyryldy. 1 saǵat aralyǵynda № 2 shaǵyn aýdannyń 4, 5, 6, 6a, 6b, 38, 37, 36, 35, 34, 33, 32, 31, 29 turǵyn úılerine jylý beriledi. Al jarylǵan qubyrlar jóndelgen soń, keshki saǵat 16.00-17.00 aralyǵynda № 2 shaǵyn aýdandaǵy 2, 3, 7 úılerge jylý beriledi. Atalǵan másele qala ákiminiń baqylaýynda. Jylý ortalyǵyndaǵy 2 bý, 1 sý jylytqysh qazandyq shtattyq rejımde jumys istep tur, — dep habarlady ákimdikten.
Eske salaıyq, buǵan deıin Qonaev ákimdigi jylý jelilerin ýaqtyly aýystyrmaǵan kompanııany sotqa bergenin jazǵanbyz.
