Qonaevta kópqabatty úıden shyqqan órtten keıin 5 bala aýrýhanaǵa jetkizildi
QONAEV. KAZINFORM – Qonaevta kópqabatty úıden shyqqan órttiń saldarynan 5 bala ýly gazben ýlanyp, aýrýhanaǵa tústi.
Qonaev qalasy kópbeıindi aýrýhanasynyń baspasóz qyzmetiniń málimetinshe, gazdan ýlanýdyń jeńil dárejesi boıynsha 5 bala aýrýhanaǵa túsken.
Olar — 2017, 2019 jyly týǵan qyzdar men 2014, 2020, 2022 jyly týǵan uldar.
«Tolyq tekserýden keıin balalardyń úsheýi úıine jiberildi, ekeýi aýrýhanaǵa jatqyzyldy. Jatqyzylǵan naýqastardyń qazirgi jaǵdaıy turaqty dep baǵalanyp otyr. Medıtsınalyq kómek tolyq kólemde kórsetiledi», — dep habarlady aýrýhananyń baspasóz qyzmeti.
Eske salaıyq, 12 aqpan kúni Qonaevta balalardyń otpen oınaýynan páter ishinen órt shyqqan.
«Oqıǵa ornynda kir jýǵysh mashına men as úıdiń qabyrǵasynda túsqaǵazdyń, jalpy aýdany 3 sharshy metr jatyn bólmedegi kereýettiń órtengeni anyqtaldy. Aldyn ala aqparat boıynsha, balalardyń otpen oınaýynan órt shyqqan», — dep habarlady Almaty oblysy TJD.
Qyzyl jalyn saǵat 18:35-te sóndirildi.
Turǵyn úıden 19 adam, onyń ishinde 8 bala óz betinshe evakýatsııalandy.
