Qonaevta qoǵamdyq oryndardy lastaǵan azamattarǵa 1 mln teńge aıyppul salyndy

QONAEV.KAZINFORM - Qonaev qalasynda «Taza Qazaqstan» baǵdarlamasy aıasynda shahardaǵy tazalyq máselesine asa kóńil bólinip jatyr.

Qala ákimdiginiń málimetinshe, 1-8 naýryz aralyǵynda ortaq paıdalanylatyn oryndardy lastaǵan 39 azamatqa hattama toltyrylyp, 766 myń teńgeden astam somaǵa aıyppul salynǵan.

Odan bólek, qala ınfraqurylymy obektilerin buzý, jasyl ekpelerdi joıý jáne búldirý faktilerine sáıkes, 92 jeke jáne zańdy tulǵaǵa 943 680 teńge aıyppul salynǵan.

- Atalǵan baǵyttaǵy jumystar ary qaraı da jalǵasady. Qonaev qalasynyń turǵyndarynan zańnamany buzbaýlaryn, tazalyq erejelerin saqtaýdy suraımyz, - dep habarlady qalalyq ákimdikten.

Eske salaıyq, buǵan deıin tutynýshylar sany ósýine baılanysty Qonaevta 4 jylytý qazandyǵy jańartylatynyn jazǵanbyz.