12:00, 09 Aqpan 2026 | GMT +5
Qonaevta qatty jelden turǵyn úıler men ınjenerlik jelilerge zaqym keldi
QONAEV. KAZINFORM — Qonaev qalasynda daýyldan keıin kommýnaldyq qyzmet kúsheıtilgen rejımde jumys istep jatyr.
Qala ákimdiginiń málimetinshe, Qonaevta 8 aqpannan 9-yna qaraǵan túni 27 m/sek jyldamdyqpen jel soqqan. Onyń saldarynan ınjenerlik jelilerde aqaýlar bolyp, turǵyn úılerdiń shatyry ushqan jáne jeńil konstrýktsııalarǵa zaqym kelgen.
— Túnde qulaǵan aǵashtar men jeńil konstrýktsııalardan tazartý jumystary júrgizildi. Sondaı-aq jaryq óshken birqatar shaǵyn aýdanda qalpyna keltirý jumystary júrip jatyr, — dep habarlady ákimdikten.
Qonaev ákimshiligi 1-11-synyp oqýshylary qashyqtan oqýǵa kóshirilgenin málimdedi.
Eske salaıyq, Almatyda jaýǵan qardan keıin kóshelerdi tazalaýǵa 1 myńnan astam tehnıka jumyldyryldy.