Qonaevta halyq sany azaıǵan: ákimdik sebebin túsindirdi
QONAEV. KAZINFORM – Qonaev qalasynyń ákimdigi bir jylda shahar halqynyń sany 8,2%-ǵa azaıyp, 65 900 turǵyn bolǵany týraly málimetke baılanysty málimdeme jasady.
Birinshi kredıttik bıýro Ulttyq statıstıka bıýrosynyń málimeti negizinde óńirler arasynda halyq sany eń kóp azaıǵan shahar retinde Qonaev qalasyn kórsetken.
Qonaev qalasynyń ákimdigi shahardaǵy adam sany tikeleı azaımaǵanyn, tek ákimshilik bólinis áserinen qysqarǵanyn túsindirdi.
– 2024 jyldyń 9 qańtarynda Alataý qalasy quryldy. Oǵan Qonaev qalasy aýmaǵyndaǵy Zarechnyı, Arna aýyldary tolyǵymen engizildi. Sáıkesinshe, qala halqynyń sany azaıdy. 2023 jyly Qonaev turǵyndarynyń sany 70 512 bolsa, 2024 jyly bul kórsetkish 65 024-ke tómendegen. Alaıda, halyq sany qaıta ósip kele jatyr. Qazirgi kórsetkish 65 934-ti qurap otyr. Sol úshin halyq arasynda «Oblys ortalyǵy ómir súrýge qolaısyz qala» degen jańsaq pikir týdyrmaýlaryńyzdy suraımyz, - dep jazdy ákimdik.
Eske salaıyq, buǵan deıin Qonaevta tazalyq saqtamaǵan turǵyndarǵa 3 mln teńge aıyppul salynǵanyn jazǵanbyz.