Qonaevta dárigerler men qutqarýshylar shomylý maýsymynda 30-ǵa jýyq adamnyń ómirin arashalap qaldy

QONAEV. KAZINFORM – Qonaev qalasynda shomylý maýsymy kezinde 30-ǵa jýyq azamattyń ómirin saqtap qalǵan dárigerler men qutqarýshylar marapattaldy.

Qala ákiminiń Alǵys hattaryn:

• 8 adamdy sýdan qutqarǵan Bekzat Raqymjanov;
• 6 adamdy qutqarǵan Baqdáýlet Tursyn;
• jansaqtaý bóliminiń dárigeri Rııat Bakrıev pen kishi medıtsına qyzmetkerleri Baqjan Іskendir, Qanat Arynbaev;
• energetık Bekzat Táńirbergen;
• «Qonaev Sý arnasy» MKK qyzmetkeri Dáýlet Aǵaıdarov;
• «Qonaev Jylý ortalyǵy» MKK elektrojóndeýshisi Rýslan Makatev ıelendi.

Reanımatolog Rııat Bakrıev shomylý maýsymynda 30-ǵa jýyq adamnyń ómiri aman qalǵanyn, onyń ishinde úsh jasqa jetpegen bir balanyń oqıǵasy erekshe este qalǵanyn atap ótti.

Dárigerdiń aıtýynsha, sýǵa batýdyń negizgi sebebi – alkogol ónimderin tutyný, eresekterdiń 70-80%-y mas kúıde bolǵan.

Aıta keteıik, Almaty mańyndaǵy taýda tas qulap jaraqat alǵan jasóspirim qutqaryldy.