Qonaevta bala kólik astyna túsip, mert boldy
QONAEV. KAZINFORM - Almaty oblysynda balanyń kólik astyna túsip, qaza bolýyna baılanysty is qozǵaldy.
Áleýmettik jelide balanyń jol apatynan mert bolǵany týraly aqparat tarady. Oqıǵa 11-shaǵyn aýdanynda bolǵany jáne onda jaıaý júrginshiler joly joǵy aıtyldy.
Jeli qoldanýshylary kóshedegi jol qaýipsizdigi saqtalmaǵanyna narazy.
Polıtsııa qyzmetkerleri adam ólimine ákep soqqan jol-kólik oqıǵasy faktisin rastady.
20 qyrkúıek saǵat 18:40 shamasynda 22 jastaǵy Hyundai avtokóliginiń júrgizýshisi joldyń júris bóliginde bolǵan kámeletke tolmaǵan balany qaǵyp ketken.
Jol-kólik oqıǵasy saldarynan alǵan jaraqattarynan bala oqıǵa ornynda kóz jumdy.
— Qazir oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr. Tergeý barysy departament basshylyǵynyń baqylaýynda, — delingen habarlamada.
Eske salaıyq, Qyzylorda oblysynda jol apatynan eki adam kóz jumǵan edi.
