Qonaevta áıel sot ǵımaratynyń esigin syndyryp ketken
QONAEV.KAZINFORM — Qonaevta áıel Almaty oblystyq sotynyń ǵımaratynyń esigin syndyrǵany úshin jazaǵa tartyldy.
Qonaev qalasynyń mamandandyrylǵan aýdanaralyq ákimshilik quqyqbuzýshylyqtar jónindegi sotynda azamatsha H.-ǵa qatysty «Bótenniń múlkin qasaqana búldirý» jáne «Usaq buzaqylyq» boıynsha is qaraldy.
2 qarashada saǵat 16:30 shamasynda H esimdi áıel Almaty oblystyq sotynyń ákimshilik ǵımaratynda bola tura, kireberistegi shyny esikti qasaqana syndyryp, memlekettik mekemege materıaldyq zalal keltirgen. Sonymen qatar sot ǵımaratynda balaǵat sózder aıtyp, qoǵamdyq tártipti buzǵan.
Sot otyrysynda H. óz kinásin moıyndap, jasaǵan áreketine ókinetinin bildirdi.
Negizi bul baptar boıynsha 15 táýlik qamaýǵa alý túrindegi ákimshilik jaza kózdelgen. Alaıda áıeldiń balalarynyń bolýyna baılanysty aıyppul salyndy.
— Sot qaýlysymen azamatsha H. «Bótenniń múlkin búldirgeni» úshin 216 250 teńge aıyppul, «Usaq buzaqylyq» boıynsha 86 500 teńge aıyppul salyndy. Túpkilikti ákimshilik jaza 70 AEK, ıaǵnı 302 750 teńge aıyppul bolyp belgilendi, — delingen habarlamada.
Vedomostvo azamattardy sot ǵımarattarynda qoǵamdyq tártipti saqtaýǵa, sotqa jáne aınalasyndaǵylarǵa qurmetpen qaraýǵa shaqyrdy.
Eske salaıyq, Astanada aıaldamany syndyrǵan jasóspirim jaýapqa tartyldy.
