Qonaevta áleýmettik kómekke 1 mlrd teńgeden astam qarjy jumsalady

  QONAEV. KAZINFORM - Qonaev qalasy ákimdiginiń ekonomıka jáne qarjy bólimi 2025 jyldyń josparymen bólisti.

Атаулы әлеуметтік көмек: кімдер алады және қалай тағайындалады
Фото: Kazinform

Resmı málimetke sáıkes, bıyl halyqty áleýmettik qamsyzdandyrý salasyna 1 mlrd 87 mln teńge kózdelip otyr. Onyń ishinde AÁK tóleý, turǵyn úı kómegi, muqtaj jandardy gıgıenalyq jabdyqtarmen qamtý, járdemaqylar, birjolǵy áleýmettik kómek, múgedektigi bar adamdarǵa úıde áleýmettik kómek kórsetý, azamattardyń jekelegen sanattaryn qoǵamdyq kólikte jeńildikpen, tegin jol júrý túrinde áleýmettik qoldaý sııaqty baǵyttar qarastyrylǵan. Sondaı-aq áleýmettik osal toptaǵy azamattar úshin páterler satyp alynady.

Odan bólek qala ákimdigi ınfraqurylymdy damytý boıynsha jumystar jalǵasatynyn habarlady.

- 10-shy shaǵyn aýdanda ýchaskelik polıtsııa pýnktin salýǵa, qańǵybas ıtter men mysyqtardy ýaqytsha ustaý pýnktin salýǵa jobalyq-smetalyq qujattama ázirlenedi. Qala kóshelerine 35 dana aıaldama ornatylyp, aǵymdaǵy jóndeý jasalady. Sonymen qatar jolaýshylar tasymaldaý shyǵyndaryn sýbsıdııalaýǵa 335 mln 624 myń teńge bólindi, - dep habarlady Qonaev ákimdigi.

Sondaı-aq qala basshylyǵynyń málimetinshe, bıyl 60 páterlik 9 turǵyn úı men 50 páterlik turǵyn úıdiń jobalyq-smetalyq qujattaryn ázirleý aıaqtalady.

Jyl josparyna sáıkes qala bıyl 55 jyldyq mereıtoıyn atap ótiledi. Sonymen qatar «Qonaev áýenderi» ansamblin qurý josparlanǵan. Dene shynyqtyrý jáne sport ortalyǵynyń qyzmetin qamtamasyz etýge 23 mln 468 myń teńge bólingen.

Eske salaıyq, buǵan deıin Qonaevta alǵashqy muz aıdyny ashylǵanyn jazǵanbyz.

Сейчас читают