Abaı oblysynda adasyp ketken Qytaı azamattary qutqaryldy
ASTANA. KAZINFORM – Tótenshe jaǵdaılar mınıstrliginiń qutqarýshylary Abaı oblysynda adasyp ketken Qytaı azamattaryn taýyp, aman-esen evakýatsııalady.
Vedomstvo málimetinshe, keshe 112 pýltine Aıagóz aýdanyndaǵy Qopa aýylynan 35 shaqyrym jerde úsh adam mingen jeńil avtokóliktiń batpaqqa batyp qalǵany týraly habarlama túsken. Olardyń ekeýi Qytaı azamattary bolǵan.
Oqıǵa ornyna TJM kúshteri men tehnıkasy jedel jiberilgen. Týrıster joldaǵan geolokatsııa arqyly qutqarýshylar kórsetilgen aýmaqqa qysqa ýaqytta jetken.
Oqıǵa ornynda júrgizýshiniń kóliktiń janynda qalǵany, al eki shetel azamaty kómek izdep jaıaý shyǵyp, dalada adasyp ketkeni anyqtalǵan.
Qutqarýshylar birden izdestirý jumystaryn bastap, aýmaqty sholý úshin ushqyshsyz ushý apparatyn paıdalanǵan. Bul jolsyz dala jaǵdaıynda jáne baǵdar beretin nysandar az bolǵanyna qaramastan izdeýdi jedel júrgizýge múmkindik bergen.
Nátıjesinde týrıster jaqyn mańdaǵy sharýa qojalyǵynyń janyndaǵy dala aýmaǵynan tabyldy. Úsh azamat ta aman-esen qutqaryldy. Medıtsınalyq kómek qajet bolmaǵan.
Aıta keteıik, Taldyqorǵanda joǵalǵan 10 jastaǵy bala eki kúnnen keıin tabyldy.
