Qonaevta 1,76 mıllıard teńgelik kazıno satylymǵa shyǵaryldy
QONAEV. KAZINFORM — Almaty oblysynyń Qonaev qalasynda qonaqúıi men meıramhanasy bar kazıno 1,76 mıllıard teńge bastapqy baǵamen aýktsıonǵa qoıyldy.
Sauda.e-qazyna.kz málimetinshe, nysan Indýstrııalyq kóshesi, 11 mekenjaıynda ornalasqan. Bes qabatty ǵımarattyń jalpy aýdany — 5 122,5 sharshy metr. Ol 2014 jyly salynǵan.
Saýda-sattyq lotyna kazıno ǵımaratyna irgeles jatqan 0,2257 gektar jer ýchaskesi, Indýstrııalyq kóshesi, 15/5 mekenjaıyndaǵy aýdany 0,27 gektar taǵy bir jer ýchaskesi jáne transformator qosalqy stantsııasynyń jabdyqtary kiredi.
Lottyń bastapqy baǵasy — 1 mıllıard 762 mıllıon 362 myń 331 teńge. Kepildik jarna mólsheri 264 mln 354 myń 350 teńge bolyp belgilengen.
Aýktsıon 21 qazan saǵat 10:45–te ótedi. Saýda-sattyq baǵany kóterý ádisimen uıymdastyrylady.
Satýshy — «Eksımbank Qazaqstan» AQ. «BaGa Consulting» JShS-niń 2026 jylǵy 3 shildedegi baǵalaý esebine sáıkes, múliktiń baǵalaý quny 1,76 mıllıard teńgege teń.
Eske salaıyq, buǵan deıin e-Qazyna portalynda Almaty oblysy Іle aýdanynan esepten shyǵarylǵan avtobýstardy satý boıynsha saýda-sattyq aıaqtalǵan.
Sondaı-aq Almatyda Qaırat Satybaldyǵa tıesili bolǵan qonaqúı taǵy da aýktsıonǵa qoıyldy.
