Qonaevta 10-nan astam sportpen aınalysýǵa bolatyn krossfıt alańy qoldanysqa berildi
QONAEV. KAZINFORM - Qonaevta jańa sport alańy ashyldy. Atalǵan nysanda armrestlıng, ústel tennısi, strıtbol, basketbol, bokspen aınalysýǵa bolady. Jalpy aýmaǵy – 1,4 gektar. Ashylý rásimine qala ákimi Ashat Berdihanov qatysty.
«Qalada sportqa qyzyǵýshylar sany jyl sanap artyp keledi. Bul – óte qýantarlyq jaǵdaı. Buqaralyq sportty damytý úshin jylyna júzdegen shara uıymdastyrylyp jatyr. Túrli deńgeıde chempıon atanyp júrgen sportshylarymyz da kóp. Atalǵan nysan el ıgiligine jaraıdy degen senimdemiz», - dedi ol.
Alańda jattyǵýǵa arnalǵan túrli jabdyqtar ornatylǵan. Balalar úshin mýzykalyq quraldar qoıylǵan. Jasyl aımaǵy da bar. Qaýipsizdikti saqtaý maqsatynda birneshe beınebaqylaý kameralary ornatylǵan. Alańnyń qurylysy 10 aıǵa sozyldy. Munda turǵyndar sportpen tegin aınalysady.
Sport alańynyń ashylý saltanatynan keıin onda strıtbol, sokkerbol, krosfıtten jarys ótti. Oǵan 130-ǵa jýyq sportshy qatysty. Jeńimpazdar arnaıy syılyqtarmen marapattaldy.
Eske salaıyq, buǵan deıin Qonaevta tazalyqqa baılanysty 1 mln teńgeden astam aıyppul salynǵanyn jazǵanbyz.
