Qonaevta 1 tamyzdan bastap sýdyń tarıfi ózgeredi

QONAEV. KAZINFORM – Almaty oblysynyń ortalyǵy Qonaev qalasynda sýdy paıdalanýdyń tarıfi ózgeredi.

«Qonaev Sý Arnasy» ShJQ MKK Almaty oblystyq tabıǵı monopolııalardy retteý departamentiniń buıryǵyna sáıkes, 1 tamyzdan bastap sýmen jabdyqtaý jáne sý burý úshin jańa tarıfter engizedi:

1. Sýmen jabdyqtaý – 1 tekshe metr sýǵa 76,25 tg;

2. Sý burý – 1 tekshe metr sýǵa 66,05 tg.

- Sý kórsetkishterin 31 shildege deıin tapsyrýlaryńyzdy suraımyz! 1 tamyzdan jańa tarıf boıynsha esep júredi.

Buǵan deıin sýmen jabdyqtaý úshin tarıf 64,69 tg, sý burý – 53,36 teńge bolǵan, - dep habarlaıdy Qonaev ákimdiginen.

Eske salaıyq, buǵan deıin Qonaev qalasynyń ákiminiń atynan jalǵan sms taraǵanyn jazǵanbyz.