Qonaev turǵyny Qapshaǵaı sý qoımasyna motor maıyn tókti

QONAEV. KAZINFORM — Qapshaǵaı sý qoımasyna motor maıyn tókken turǵyn jaýapqa tartylady.

Almaty oblysynyń tabıǵatty qorǵaý polıtsııasy Qapshaǵaı sý qoımasynyń lastaný faktisin anyqtady. Jaǵalaýdaǵy demalys aımaǵynda ornalasqan úılerdiń biriniń turǵyny sý qoımasyna motor maıyn tókken.

— Tabıǵatty qorǵaý qyzmetkerleri ekologııalyq quqyq buzýshylyqty rastaıtyn dálelder jınady. Іs materıaldary odan ári qaralyp, tártip buzýshyǵa qatysty shara qoldaný úshin Almaty oblysy boıynsha ekologııa departamentine joldandy, — dep habarlady polıtsııadan.

Vedomstvodan atap ótkendeı, sý resýrstaryn lastaǵan azamat ákimshilik jaýapqa tartylady.

— Sý resýrstaryn lastaǵany úshin buzýshyǵa 160 aılyq eseptik kórsetkishke deıingi mólsherde aıyppul, 160 saǵatqa deıingi merzimge qoǵamdyq jumystarǵa tartý nemese qyryq táýlikke qamaqqa alý túrinde jaza tónip tur, — delingen habarlamada.

Osyǵan deıin Qapshaǵaı jaǵajaılarynan kúnine 100 tonnaǵa jýyq qoqys shyǵarylatyny týraly jazdyq. 

Aıta keteıik, bıyl Qapshaǵaı sý qoımasy sońǵy 10 jylda alǵash ret 100%-ǵa toldy.