Qonaev mańynda qoqys polıgonynan shyqqan órt sóndirildi

QONAEV. KAZINFORM — Qonaev qalasynyń irgesindegi qatty turmystyq qaldyqtar tastaıtyn polıgon aýmaǵynan shyqqan órt tolyq sóndirildi.

«Qoqys polıgonyndaǵy byqsyǵan órt búgin 17:30 shamasynda tolyq sóndirildi. Jalyn 1000 sharshy metr aýmaqty sharpydy. Tilsiz jaýdy aýyzdyqtaýǵa Almaty oblysy jergilikti atqarýshy organdary men oblystyq TJD-dan 24 adam men 17 tehnıka jumyldyryldy», — dep habarlady departamentten.

Aıta keteıik, qatty turmystyq qaldyqtar tastaıtyn polıgondaǵy órt keshe tutanǵan edi.  

Zardap shekkender joq. Órttiń shyǵý sebebi anyqtalyp jatyr.

Osyǵan deıin Almatyda tańǵy ýaqytta qonaq úı órtengenin jazǵan edik.