Qonaev kazınolary bıýdjetke qansha salyq tólegeni anyqtaldy

ASTANA. KAZINFORM — Búginde Qonaev qalasynda birneshe kazıno, oıyn zaldary men býkmekerlik kompanııa jumys istep tur.

— Búginde 5 kazıno, 6 oıyn zaly jumys istep tur. Sonymen qatar, Qonaev qalasynda tirkelgen birneshe býkmekerlik kompanııa jumys isteıdi. Bıyl bıýdjetke shamamen 90 mlrd teńge salyq tóledi. 3,5 myń jumys orny ashyldy, odan bólek oıyn-saýyq salasynda shamamen 3,5 myń jumys orny bar. Sondyqtan adamdar tabys taýyp, jumys istep jatyr, — dedi Almaty oblysynyń ákimi Marat Sultanǵazıev Ortalyq kommýnıkatsııalar qyzmeti alańynda ótken baspasóz máslıhatynda.

Ákimniń aıtýynsha, Qonaev qalasyndaǵy kazıno, basqa da oıyn-saýyq túrleri týrısterdiń qyzyǵýshylyǵyn arttyrýǵa yqpal etedi.

— Ásirese sheteldik týrıster basym, sebebi Almaty qalasy, odan da basqa týrıstik obektiler jaqyn ornalasqan. Bes kazınonyń jumys isteýge lıtsenzııasy bar. Ózderińiz bilesizder, oıyn bıznesin tek Qonaev jáne Şýche qalasynda ǵana júrgizýge bolady. Sondyqtan barlyǵy tirkelgen, zań aıasynda jumys isteıdi, — deıdi ol.

Eske sala keteıik, bıyl jazda Almatyda tórt onlaın kazıno jabyldy.