Qonaev qalasynda úsh oıyn mekemesi lıtsenzııasynan aıyryldy

QONAEV. QazAqparat - Týrızm ındýstrııasy komıteti Qonaev qalasyndaǵy 4 oıyn mekemesine jospardan tys tekseris júrgizdi, dep habarlaıdy QazAqparat.

Tekserý nátıjesi boıynsha bıznestiń úsh sýbektisine qatysty Ákimshilik kodeksiniń 445-shi babynyń 3-shi tarmaǵy boıynsha ákimshilik is qozǵaldy.

Oıyn avtomattary zalynyń ıeleri mashınalarǵa tehnologııalyq túrde salynǵan utys paıyzy boıynsha talaptardy saqtamaǵan.

«Oıyn bıznesi týraly» zańǵa sáıkes, ol kem degende 95% bolýy kerek.

Qonaev qalasynyń ákimshilik mamandandyrylǵan aýdanaralyq sotynyń 2023 jylǵy 19 mamyrdaǵy sheshimimen jáne Almaty oblystyq sotynyń (apellıatsııalyq saty) 2023 jylǵy 20 shildedegi sheshimimen oıyn bıznesiniń 3 sýbektisi quqyq buzǵany úshin kináli dep tanyldy.

Olardyń lıtsenzııasy toqtatylyp, árqaısysyna 300 AEK mólsherinde ákimshilik aıyppul salyndy.

«7 ákimshilik is qozǵaldy, 6 aıyppul salyndy, bir oıyn avtomattary zalynyń ıesi lıtsenzııadan aıyryldy. Sonymen qatar, zańdy buzǵany úshin jaýapkershilikti kúsheıtý maqsatynda Mádenıet jáne sport mınıstrliginiń tikeleı qatysýymen oıyn bıznesi, lotereıa jáne lotereıa qyzmeti salasyndaǵy zańnamaǵa 62 túzetýdi kózdeıtin 3 zań jobasy ázirlendi», - deıdi Týrızm ındýstrııasy komıtetiniń tóraǵasy Dastan Ryspekov.