Qonaev qalasynda sońǵy úsh jylda ana men bala ólimi ósken

Qonaev qalasyn damytýdyń 2023-2027 jyldarǵa arnalǵan besjyldyq keshendi josparynda 1967 jyly salynǵan 27 qosqabatty úıdi jańalaý kózdelgen, dep habarlaıdy QazAqparat tilshisi.

«Halyqtyń ártúrli toptarynyń turǵyn úı máselelerin keshendi sheshý ózekti másele bolyp otyr. Óıtkeni 2023 jyldyń 1 naýryzyndaǵy jaǵdaı boıynsha qalada 3,4 myń adam baspana kezeginde tur. Keıingi 3 jylda 120 otbasy baspana aldy. Sonymen qatar, apatty jaǵdaıda 1967 jyly salynǵan 27 eki qabatty úı bar. Olardyń jalpy aýdany 264 páterge, ıaǵnı 9,6 myń sharshy metr baspanada turatyn adamdarǵa qaýip tóndiredi», - delingen jospar jobasynda.

Qujatta keıingi úsh jylda qala boıynsha ana men sábıdiń, onkologııalyq naýqastardyń ólim-jitimi óskeni aıtylǵan.

«2022 jyly sábıler ólim-jitiminiń joǵary deńgeıi saqtaldy. 1000 tiri týǵan sábıge shaqqanda qaıtys bolǵandar – 4,83-ten keledi. Qan aınalymy júıesi aýrýlarynan 88 ólim-jitim, qaterli isikten 22 ólim-jitim tirkeldi», - dep jazylǵan jobada.

Aıta keteıik, atalǵan baǵdarlama aıasynda qalaǵa 3 trln teńgeden astam qarajat salý kózdelip otyr.

Onyń 1,4 trln teńgesi respýblıkalyq bıýdjetten alynady.