Qonaev qalasynda ótken Halyq zańgeri aktsııasyna 80-nen astam adam júgingen
Halyqtyń quqyqtyq saýattylyǵyn arttyrýdy, zańdyq turǵydan keńes berýdi maqsat etken respýblıkalyq aktsııaǵa zańgerler, advokattar jáne memlekettik organdardyń 22 mamany qatysyp, shaǵym aıtýshylardyń barlyq suraǵyna jaýap berdi.
Atap aıtqanda, oblystyq basqarmalar men departamentterdiń basshylary, qala ákimshiligi, salyq, quqyq qorǵaý, qurylys, bilim jáne advokattar men zańgerler ártúrli máselelerdi túıinin tarqatyp, keńes berdi.
«Halyq zańgeri» respýblıkalyq aktsııasyna qatysyp, ádildik izdegen jandardyń qarasy kóp. Igilikti sharany uıymdastyrýshylardyń aıtýynsha ótken aktsııaǵa 80-nen astam adam júgingen.
«Bul naýqannyń maqsaty – halyqtyń kókeıinde júrgen suraqtardyń sheshimin taýyp berý, zań turǵysynan keńes berý. Eger olardyń problemasy aktsııa barysynda sheshilmese, bizdiń zańgerler naýqan bitken soń isti aıaǵyna deıin jetkizýge tyrysady. Ol úshin kómek surap kelgen ár azamattyń aty-jónin, telefonyn tirkep jazyp otyrmyz», – dedi, Almaty oblystyq sybaılas jemqorlyqqa qarsy is-qımyl agenttigi basshysynyń birinshi orynbasary Nursultan Bekınov.