Qonaev qalasynda eki kadet synyby ashyldy
Saltanatty is-sharany ótkizý barysynda Almaty oblysy TJD «ÓM jáne AQJQ» MM Jedel-qutqarý jasaǵynyń avarııalyq-qutqarý quraldarynyń, súńgýirlik jabdyqtarynyń jáne qutqarý quraldarynyń kórmesi uıymdastyryldy.
«Patrıottyq tárbıe – jas azamattardyń boıynda joǵary patrıottyq sanany, óz Otanyna degen adaldyq sezimin, azamattyq boryshyn jáne Otan múddesin qorǵaý jónindegi konstıtýtsııalyq mindetterdi oryndaýǵa daıyndyǵyn qalyptastyrý boıynsha júıeli jáne maqsatty qyzmet. Azamattyqqa tárbıeleý jeke tulǵanyń belsendi azamattyq ustanymyn, azamattyq ózin-ózi anyqtaýdy, ishki bostandyq týraly habardar bolýdy jáne óziniń saıası jáne moraldyq tańdaýy úshin jaýapkershilikti qalyptastyrýdy qamtıdy. Azamattyq qorǵaý organdaryn jandandyrý jáne tanymal etý jáne patrıotızmdi arttyrý maqsatynda 5 jáne 6 synyp kýrsanttarynyń saltanatty anty ótkizildi», – dep jazylǵan Almaty oblysy Tótenshe jaǵdaılar departamenti habarlamasynda.
Esterińizge salsaq, Іle aýdany men Uıǵyr aýdanynyń Shonjy aýylynda Astanadaǵy kópqabatty úıde órt bolǵanda birneshe adamdy qutqaryp, óz ómirin qurban etken Asqar Zabıkýlın atyndaǵy «Jas órt sóndirýshiler» áskerı-patrıottyq klýby ashylǵan bolatyn
