Qonaev qalasynda Antıkordyń aralasýynan keıin zaýyt iske qosyldy
Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń málimentinshe, kásiporynǵa «Alataý jaryq kompanııasy» tarapynan kedergiler bolyp, mekeme jumysyn bastaı almaǵan.
«2018 jyldan bastap «AJK» AQ monopolısti «PromStroı Qapshaǵaı» JShS zaýytyn elektrmen jabdyqtaýǵa qospaı, bızneske jasandy kedergi jasady.
Máselen, «PromStroı Qapshaǵaı» JShS 2022 jyly 18 tamyzda qýaty 2411 kVt elektrmen jabdyqtaýdy qosýǵa tehnıkalyq sharttar alǵan. Alaıda, «AJK» AQ ókilderi zaýytty elektrmen jabdyqtaýǵa qosýǵa asyqpady.
Kásipker Almaty oblysy boıynsha Sybaılas jemqorlyqqa qarsy qyzmetine júgingennen keıin osy másele boıynsha talqylaýǵa bastamashylyq jasaldy.
Nátıjesinde zaýytty bastapqy iske qosý úshin jetkilikti 300 kVt elektr energııasyna qosý máselesi sheshildi«,- delingen vedomstvonyń habarlamasynda.
Vedomstvonyń aqparatyna sáıkes, búgingi kúni zaýytta alǵashqy jumystar bastaldy. Qalanyń 60 jergilikti turǵyny jumysqa ornalasty.
