Qonaev qalasynda Jer qatynastary bólimine jańa basshy taǵaıyndaldy
QONAEV. KAZINFORM – Qonaev qalasynyń ákimi Nurlan Qumataevtyń ókimimen Jer qatynastary bóliminiń basshysy laýazymyna Isahan Talǵat Erlanbekuly taǵaıyndaldy.
Qonaev qalasy ákimdiginiń baspasóz qyzmeti habarlaǵandaı, Talǵat Isahan 1994 jyly Almaty oblysy Balqash aýdanynda dúnıege kelgen. Bilimi – joǵary, 2013 jyly Almaty qalasynyń zań kolledjin, 2018 jyly «Almaty» ýnıversıtetin quqyqtaný mamandyǵy boıynsha támamdaǵan.
Eńbek jolyn 2013 jyly Almaty oblystyq jer qatynastary basqarmasynyń ınspektory bolyp bastaǵan. Ár jyldary osy basqarmada bólimniń jetekshi maman, bas mamany, qazynashylyq departamentinde bas maman, Almaty oblystyq medıtsınalyq jáne farmatsevtıkalyq baqylaý departamentinde bólimniń bas mamany bolyp qyzmet atqarǵan. Buǵan deıin Almaty oblystyq jer qatynastary basqarmasynda bólim basshysy bolǵan.
