Qonaev qalasynda jańa saıabaq paıda bolady
QONAEV. KAZINFORM – Almaty oblysynyń ortalyǵy Qonaevta jalpy aýmaǵy 6527 m² bolatyn skver ashylady.
Qala ákimdiginiń málimetinshe, Qoıshymanov kóshesinde jańa qoǵamdyq keńistikti abattandyrý jumystary bastaldy. Joba aıasynda gazon tóseý, avtomatty sýarý júıesin ornatý, sándik aǵashtar men kópjyldyq ósimdikter otyrǵyzý, oryndyqtar, átkenshekter ornalastyrý kózdelgen.
— Keńistik ekologııalyq, fýnktsıonaldyq jáne estetıkalyq talaptarǵa saı jasaqtalady. Mundaǵy basty nysan — «Ómir aǵashy» atty art-nysan bolmaq. Ol Altyn adam kıim úlgileriniń elementteri beınelengen tas qurylym túrinde oryndalady. Qasynda osy beınelerdiń tarıhı mańyzyn baıandaıtyn QR-kod ornatylady, — dep habarlady Qonaev ákimdigi.
Sonymen qatar skver múmkindigi shekteýli azamattarǵa qoljetimdi bolmaq. Munda jaıaý júrginshi joldary, foto-aımaqtar, qorshaý men arkalyq qurylymdar da jasalady.
Eske salaıyq, Almatyda Prezıdent rezıdentsııasynyń ornyndaǵy saıabaq qurylysyna 2,2 mlrd teńge jumsalatynyn jazǵanbyz.