Qonaev qalasynda tótenshe jaǵdaı jarııalandy

QONAEV. KAZINFORM – Qonaev qalasynda jergilikti aýqymda tótenshe jaǵdaı jarııalandy.

Qonaev ákimdiginiń málimetinshe, 11 jeltoqsannan 12 jeltoqsanǵa qaraǵan túni qatty jel turýyna baılanysty keıbir turǵyn úıler men ǵımarattardyń shatyrlaryna nuqsan kelip, jaryq baǵanalary isten shyqqan. Soǵan baılanysty qala basshylyǵy jergilikti aýqymda tótenshe jaǵdaı jarııalaýǵa sheshim shyǵardy.

Tótenshe jaǵdaıdy engizý Ashyq NQA portalyna qoǵamdyq talqylaýǵa 15 jeltoqsan kúni jiberildi. Ol 16 jeltoqsanǵa deıin talqylaýda boldy. 17 jeltoqsannan bastap jergilikti aýqymdaǵy tótenshe jaǵdaı resmı túrde jarııalandy.

- Tótenshe jaǵdaı rezervinen bólingen qarajat esebinen zaqymdanǵan nysandarda jóndeý-qalpyna keltirý jumystary júrgiziledi. 11 jeltoqsannan bastap qaladaǵy kommýnaldyq qyzmetter kúsheıtilgen rejımde jumys istep jatyr. Qazirgi tańda Qonaev qalasyndaǵy jaǵdaı turaqty: elektr energııasy, aýyz sý jáne jylýmen qamtý júıeleri shtattyq rejımde jumys istep tur, - dep habarlady ákimdikten.

Eske salaıyq, buǵan deıin eri órtke baılanysty Alataýda jergilikti aýqymdaǵy tehnogendik sıpattaǵy tótenshe jaǵdaı rejımi engizildi.

Tótenshe jaǵdaı rejımi Alataý qalasynda 1,5 aıdan keıin alyndy.