Qonaev qalasynda qar tazalaıtyn tehnıkalar qysqa daıyn ba

Qonaev qalasynda qysqy maýsymǵa daıyndyq jumystary belsendi júrip jatyr. 1 jeltoqsannan bastap kommýnaldyq kásiporyndar kúsheıtilgen rejımde jumys isteı bastaıdy, dep habarlaıdy Kazinform.

Qonaev qalasy ákimdiginiń málimetinshe, búgin «Qonaev Turǵyn úı» JShS-nyń avtoparki qar tazalaıtyn 2 tehnıkamen tolyqty. 

«Bul kólikter jalǵa alyndy. Odan bólek taǵy 4 tehnıka alýdy josparlap otyrmyz. Jalpy qys mezgilinde 16 birlik tehnıka qyzmet kórsetetin bolady. Onyń qatarynda kóktaıǵaq bolmaýy úshin qum, tuz sebetin, qar shyǵaratyn, kópqabatty úılerdiń tóbesinen qatqan muzdy tazalaıtyn jáne t. b. kólikter bar. Búgingi kúni 500 tonna ınerttik materıal satyp alyndy. Odan bólek, qysta kúndelikti 30 adam jumys isteıdi. Jalpy, qysqa tolyq daıynbyz desek bolady», — dedi qalalyq turǵyn úı-kommýnaldyq sharýashylyǵy bólimi basshysynyń orynbasary Ashat Jeksenbekov. 

Aıta keteıik, Qonaevta qalaishilik joldyń uzyndyǵy 306 shaqyrymdy quraıdy.