Qonaev qalasynda 4 myń gektar jer memleketke qaıtaryldy

QONAEV. KAZINFORM – Qonaev ákimdiginiń jer qatynastary bólimi qalada 4 064 gektar jer memleketke qaıtarylǵanyn málimdedi. 

Ákimdik málimetinshe, jyl basynan beri sot sheshimimen 3 395,2 gektar jer qaıtarylsa, óz erkimen jerdi ıelený quqyǵynan bas tartý boıynsha 668,9 gektar jer memleketke berildi. Qazirgi ýaqytta jalpy kólemi 930 gektar jer ýchaskesi týraly is sotta qaralyp jatyr. 

Sondaı-aq Qonaev ákimdigi egin sharýashylyǵyn júrgizý úshin 130 ga jer ýchaskelerine konkýrs ótkizý josparlanyp otyrǵanyn habarlady.

– Bul jerler 10 jylǵa jalǵa beriledi. Konkýrsty ótkizý týraly habarlama merzimdi basylymdarda, sondaı-aq ákimdiktiń resmı saıtynda, jer resýrstaryn basqarý jónindegi ortalyq ýákiletti organnyń ınternet-resýrsynda jarııalanady, - dep habarlady ákimdikten.

Eske salaıyq, buǵan deıin SQO-da bıyl prokýrorlardyń aralasýynan keıin 49 myń ga jer qaıtarylǵanyn jazǵanbyz.