Qonaev qalasy jylytý maýsymyna 100 paıyzǵa daıyn

QONAEV. KAZINFORM — Qonaev ákimdigi qala turǵyndaryna jylytý maýsymynda jekelegen máselelerin sheshý joldaryn kórsetý úshin arnaıy nusqama ázirlendi.

Qala ákimdiginiń málimetine sáıkes, Qonaev qalasy jylý berý maýsymyna daıyn. Jazda № 2 jáne № 4 qazandyq jóndeýden ótip, sý jylytqysh qazandyqqa revızııa jasalǵan. Oǵan qosa, aýdanishilik 2000 metr jylý qubyry aýystyryldy.

— «Jylý ortalyǵynda» 10 qazandyq jumys isteıdi, onyń birnesheýi rezervte tur. Qonaevta 300-den astam kópqabatty turǵyn úı ortalyqtandyrylǵan jylý júıesine qosylǵan, - dep habarlady ákimdikten.

Sondaı-aq qalanyń turǵyn úıleri men ǵımarattaryn aldaǵy jylytý maýsymyna daıyndaý úshin «Jylý Ortalyǵy» MKK barlyq qajetti is-sharalardy tıisti túrde júrgizýdi usyndy:

* úılerdiń ishindegi jylý júıesi aınalymnyń buzylýy anyqtalǵan jaǵdaıda revızııa júrgizý, aqaýlardy joıý; 
* jylytý radıatorlaryn tekserip, qajet bolǵan jaǵdaıda aýystyrý;
* jylýmen jabdyqtaý júıesin jýý;
* bekitý armatýrasyna tekserý júrgizý jáne aýystyrý;
* tundyrǵyshtardy tazalaý;
* úıge ortaq jylý energııasyn esepke alý quralyna tekserý júrgizý;
* jylý oqshaýlaýyn, gıdrooqshaýlaýdy qalpyna keltirý.

Eske salaıyq, buǵan deıin Almatyda áleýmettik nysandar jylýǵa 7 qazannan bastap qosylatynyn jazǵanbyz.