Qonaev qalasy ákiminiń orynbasary taǵaıyndaldy

QONAEV. KAZINFORM – Qonaev qalasy ákiminiń ókimimen Kenjebekov Tólegen Jolmyrzauly qala ákiminiń orynbasary laýazymyna taǵaıyndaldy. 

Tólegen Kenjebekov 1986 jyly dúnıege kelgen. Bilimi – joǵary. 

Eńbek jolyn І.Jansúgirov atyndaǵy Jetisý memlekettik ýnıversıtetiniń jastar jónindegi mamany bolyp bastaǵan. 

Ár jyldary «Jetisý jastary» jastar ortalyǵynyń mamany, «Jasyl el» jastar eńbek jasaqtary respýblıkalyq shtaby Almaty oblysy fılıalynyń basshysy, oblystyq ishki saıasat basqarmasynda, tabıǵı resýrstar jáne tabıǵatty paıdalanýdy retteý basqarmasynda, oblystyq Memlekettik qyzmet isteri jáne sybaılas jemqorlyqqa qarsy is-qımyl departamentinde jumys istedi. 

2023 jyldyń tamyz aıynan Almaty oblysy ákimdiginiń Ádep jónindegi ýákili laýazymynda qyzmet atqarǵan.