Konıak pen brendıdi arzan baǵaǵa satqan kásipkerlerge aıyppul salynady

NUR-SULTAN. QazAqparat – Qazaqstanda lıker-araq sýsyndardy, konıak pen brendıdi arzan baǵamen satqan kásipkerlerge 2022 jylǵy 11 qyrkúıekten bastap aıyppul salyna bastady. Bul týraly QR Qarjy mınıstrligi Memlekettik kirister komıtetinen málim etti, dep habarlaıdy QazAqparat.

«Etıl spırti men alkogol óniminiń óndirilýin jáne aınalymyn memlekettik retteý týraly» QR Zańyna tolyqtyrýlar engizilgeni belgili. Onda araqtarǵa, kúshtiligi joǵary lıker-araq sýsyndaryna, konıak pen brendıge eń tómengi bólshek saýda baǵalaryn belgileý kózdelgen.

Komıtet málimetinshe, konıak pen brendıdiń bólshek saýdadaǵy eń tómengi baǵasy 1 930 teńgeni quraıdy. Talapty buzǵandar QR Ákimshilik quqyq buzýshylyq týraly kodekske sáıkes jaýapqa tartylady. Ózgerister 2022 jylǵy 11 qyrkúıekten bastap kúshine endi.

«Memlekettik kirister komıteti araqtardy jáne aıryqsha araqtardy, taýar shyǵarylǵan jerdiń ataýy qorǵalǵan araqtardy, kúshtiligi joǵary lıker-araq buıymdaryn, konıak pen brendıdi bólshek saýda baǵasynan tómen bólshek saýdada ótkizgeni úshin joǵaryda atalǵan alkogol ónimderin tárkileı otyryp, ákimshilik jaýapkershilikke tartylatynyn eske salady», - dedi Memlekettik kirister komıtetinen.

Foto: s.yimg.com