Konkıshi Roman Krech sprınterlik kópsaıys boıynsha Qazaqstan chempıony atandy
ASTANA. QazAqparat - Sochı Olımpıadasynyń qatysýshysy, konkıshi Roman Krech sprınterlik kópsaıys boıynsha ótken Qazaqstan birinshiliginde jeńimpaz atandy, dep habarlaıdy QazAqparat tilshisi.
Búgin Astanada sprınterlik kópsaıystan ótken Qazaqstan chempıonaty óz máresine jetti. Kópsaıys qorytyndysy boıynsha (500, 1000 metr) erler arasynda Soltústik Qazaqstan oblysynan Roman Krech jeńimpaz atandy. Ekinshi oryn 1000 metrlik qashyqtyqta 2013 jylǵy álem chempıony Denıs Kýzınge buıyrdy. Qola medal 2012 jylǵy Azııa chempıonatynyń jeńimpazy, Olımpıada oıyndarynyń qatysýshysy Fedor Mezentsev jeńip aldy.
Áıelder arasynda Qaraǵandy oblysynyń ókili Ekaterına Aıdova birinshi keldi. Marııa Sızova men Evgenııa Safına tıisinshe ekinshi jáne úshinshi oryndarda.
Eske sala keteıik, atalmysh birinshilik Astanadaǵy «Alaý» muzaıdynynda 23-24 qańtar aralyǵynda ótkizildi. Onyń qorytyndysy boıynsha Astanada 28 aqpan men 1 naýryz aralyǵynda ótkeli otyrǵan konkımen júgirý sportynan álem chemponatyna qatysatyn qurama jasaqtalady.
