Konkımen júgirýden klassıkalyq kópsaıysy boıynsha Qazaqstan chempıonatynyń nátıjesi jarııalandy
ASTANA. 29 jeltoqsan. QazAqparat - Astanada konkımen júgirýden klassıkalyq kópsaıysy boıynsha Qazaqstannyń chempıonaty aıaqtaldy.
«Alaý» muz aıdyny saraıynyń resmı saıty málimetine qaraǵanda, kópsaıysta Petropavldan kelgen Elena Ýrvantseva men Dmıtrıı Babenko úzdik retinde tanyldy. Upaı sany boıynsha D. Babenko jańa rekord ornatqan.
Qazaqstan chempıonatynda klassıkalyq kópsaıys boıynsha bólek qashyqtyqtar turǵysynda Azııa chempıonatyna jáne Álem chempıonatyna Azııa qurlyǵy atynan qatysatyn Qazaqstan quramasynyń qatary anyqtaldy.
Aıta keteıik, 27 jeltoqsanda Astanadaǵy «Alaý» muz aıdyny saraıynda konkımen júgirý kópsaıysy boıynsha Qazaqstan Respýblıkasynyń chempıonaty bastalǵan edi. Eki kúnge sozylǵan jarystarǵa Vadım Saıýtınniń basshylyǵyndaǵy ulttyq qurama jáne oblystar men qalalardyń komandalary qatysty.
