Konkımen júgirýden álem kýbogynda Qazaqstan komandasy úzdik úshtikke endi
NAGANO. QazAqparat - Japonııanyń Nagano qalasynda konkımen júgirýden álem kýboginiń tórtinshi kezeńi ótip jatyr. Komandalyq sprıntte qazaqstandyqtar 9-shy oryn ıelendi, dep habarlaıdy QazAqparat Olympic.kz-ke silteme jasap.
Roman Krech, Stanıslav Palkın, Artýr Galıev jáne Artem Krıkýnov tórttigi 14 komanda arasynan 9-shy satyǵa turaqtady. Tórtinshi kezeńde Reseı quramasy top jarsa, Japonııa men Kanada kúmis pen qolany enshiledi. Al álem kýbogy tórt kezeńiniń qorytyndysy boıynsha Qazaqstan komandasy úshinshi oryn ıelendi. Bizdiń qurama enshisinde 290 upaı bar. Osylaısha, Dmıtrıı Babenko baptaıtyn Qazaqstan quramasy jekelegen qashyqtyqtar boıynsha álem chempıonatyna joldama aldy. Jalpy komandalyq esepte Nıderlandy quramasy 440 upaımen kósh bastady. Ekinshi orynda 316 upaı ıelengen Shveıtsarııa quramasy.
Aıta ketelik, búgin A tobynda synǵa túsken Roman Krech 500 metrge júgirýden altynshy oryn aldy.