Konkımen júgirýden álem kýbogy: Nadejda Morozova Qazaqstan rekordyn jańartty

NUR-SULTAN. QazAqparat - Solt-Leık-Sıtıde konkımen júgirýden álem kýbogy ótip jatyr. Qazaqstandyq Nadejda Morozova Qazaqstan rekordyn jańartty, dep habarlaıdy QazAqparat Olympic.kz saıtyna silteme jasap.

Áıelder arasynda 3000 metr qashyqtyqty (A dıvızıony) Morozova 3:59,647 ýaqytta baǵyndyrdy. Bul jetistik oǵan buǵan deıin Olımpıada oıyndarynyń qola júldegeri Lıýdmıla Prokashevaǵa (4: 05.01) tıesili bolǵan Qazaqstan rekordyn jańartýǵa múmkindik berdi.

Nátıjesinde Morozova 12-shi orynǵa jaıǵasty.

500 metr qashyqtyqta V dıvızıonynda ótken jarysta Qazaqstan ókili Ekaterına Aıdova synǵa tústi. Qazaqstandyq atlet 38.078 nátıje kórsetip, besinshi oryndy ıelendi.

Erler arasynda 500 metr qashyqtyqta V dıvızıonynda qazaqstandyq sportshylar arasynda Ivan Arjanıkov úzdik nátıje kórsetti. Ol 16-shy orynnan kórindi. Qorytyndy hattamada Roman Krech 31-shi, Evgenıı Koshkın 34-shi qatarmen jarysty aıaqtady.