Konkımen júgirýden álem kýbogi: Ekaterına Aıdova kishi altyn enshiledi
NUR-SULTAN. QazAqparat - Nıderlandtyń Herenven qalasynda ótip jatqan konkımen júgirýden álem kýbogi kezeńinde Ekaterına Aıdova kishi altynǵa qol jetkizdi, dep habarlaıdy QazAqparat Olympic.kz saıtyna silteme jasap.
1000 metrge jarysýdan «V» fınalynda synǵa túsken Ekaterına Aıdova atalǵan qashyqtyqty 1 mınýt 15.750 sekýndta júgirip ótken.
Ol byltyrǵy básekege qatyspaǵandyqtan, jańa maýsymdy «V» tobynda bastaǵan bolatyn. Bul jeńisinen soń qazaqstandyq sportshy álem kýboginiń kelesi kezeńinde «A» tobynda synǵa túsý quqyǵyn aldy. Aıta ketelik, keshegi jarys kúninde Ekaterına Aıdova 1500 metrge jarysýdan kishi kúmiske ıelik etti.
Aıta ketsek, álem kýboginiń kelesi kezeńi de Herenven qalasynda ótedi.