Konkımen júgirýden álem chempıonaty: Qazaqstan komandasy alǵashqy ondyqqa kirdi
NUR-SULTAN. QazAqparat - AQSh-tyń Solt-Leık-Sıtı qalasynda konkımen júgirýden jekelegen qashyqtyqtar boıynsha álem chempıonaty ótip jatyr, dep habarlaıdy QazAqparat.
QR Ulttyq olımpıadalyq komıteti habarlaǵandaı, álem chempıonatynyń alǵashqy kúninde erler men áıelder 5000 metrge jarysýdan synǵa tústi. Qazaqstan komandasy erler arasyndaǵy komandalyq sprıntten synǵa tústi.
Jarys nátıjesi boıynsha, jerlesterimiz 1:20,39 ýaqyt kórsetkishimen altynshy oryn ıelendi. Altyn júldeni Nıderland sportshylary, «kúmisti» qytaılyqtar, qola júldeni Norvegııa quramasy qanjyǵalaryna baılady.
