Konkımen júgirýden ÁCh: qazaqstandyq jasóspirim qyzdar kúmis júldeger atandy
ASTANA. QazAqparat – Germanııanyń Intsell qalasynda konkımen júgirýden jasóspirimder arasyndaǵy álem chempıonatynda Qazaqstan qorjynyna taǵy bir medal tústi, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, komandalyq sprıntte Alena Lıfatova, Arına Ilıaşenko, Alına Daýranova jáne Krıstına Shýmekova kvarteti kúmis júldeger atandy.
Nıderland quramasy mərege birinshi kelse, Italııa úzdik úshtikti túıindedi.
Jalpy, sprınt jarysyna 11 qurama qatysty. Olar: Germanııa, Ispanııa, Italııa, Qazaqstan, Kanada, Ońtústik Koreıa, Latvııa, Nıderland, Norvegııa, Polsha, AQSh.
Ótken jyly Insbrýktegi əlem chempıonatynda elimizdiń qyzdar quramasy (Alına Daýranova, Inessa Shýmekova, Darıa Gavrılova) komandalyq sprıntte 3-oryn alǵan edi.
Osyǵan deıin Germanııadaǵy dodada Alına Daýranova 500 (qola) jáne 1000 metrde (kúmis) júlde jeńip alǵan.
Qazir ulttyq qurama qorjynynda 2 kúmis pen 1 qola bar. Dúnıejúzilik doda búgin máresine jetedi.
Eske sala keteıik, budan buryn konkıshi Alına Daýranovanyń álem chempıonatynda qola medal jeńip alǵanyn jazǵan bolatynbyz.
Foto Sportty damytý dırektsııasynyń ınstagram paraqshasynan alyndy
