Konkımen júgirý sportynan el chempıonaty bastaldy
ASTANA. QazAqparat - Búgin Astanada konkımen júgirý sportynan Qazaqstan birinshiligi bastaldy, dep habarlaıdy QazAqparat tilshisi.
QR Ulttyq Olımpıadalyq komıtettiń habarlaýynsha, el chempıonatyna 100-ge jýyq sportshy qatysyp, jańa maýsym aldynda ulttyq quramaǵa iligý úshin kúsh salmaq.
Dál osy týrnırde kimniń negizgi quramǵa alynyp, iri jarystarǵa qatysatyny anyqtalady. Chempıonatta ulttyq quramadan bólek, jasóspirimder komandasyna da irikteý júrgizilmek.
Úsh kúnge sozylatyn Qazaqstan chempıonaty Astanadaǵy «Alaý» muz aıdynynda ótip jatyr.
