Konkımen júgirý sportynan álem kýbogyna bıletter satylymǵa tústi, quny - 200 teńge
TANA. 21 qarasha. QazAqparat - 25-27 qarasha kúnderi elordada ótetin konkımen júgirý sportynan álem kýbogyna bıletter «Alaý» muz aıdyny saraıy kassasyna tústi, dep habarlady sport kesheniniń baspasóz qymzetinen.
Bılet quny 200 teńge ǵana turady. Uıymdastyrý komıtetiniń atap ótýinshe, bastapqy kezeńde-aq bılet satýdan paıda tabý maqsaty kózdelmegen.
Aýqymdy sharalarǵa bıletterdi eń tómengi baǵamen satý elordanyń 10 jyldyq mereıtoıynda qalyptasqan bolatyn. Eń bastysy - kórmermenderge jaıly jaǵdaı jasaý, is-sharaǵa meılinshe astanalyqtardy kóptep tartý.
Bul jarysqa álemniń úzdik sportshylary keledi. Olardyń qatarynda Vankýverde ótken Olımpıada oıyndarynyń 12 jeńimpazy bar. Sondaı-aq sport keshenine jınalǵan kórermen qysqy Olımpıada oıyndarynyń 25 chempıonynyń ónerin tamashalaı alady. Olardyń qatarynda Sven Kramer, Shanı Devıs, Bob de Iong, Iorrıt Bergsma, Ivan Skobrev syndy sportshylar bar. Al Qazaqstan atynan Dmıtrıı Bobenko, Denıs Kýzın, Roman Krech, Ekaterına Aıdova syndy 7 sportshy qatysady.
Álem kýbogynyń ashylýy 25 qarasha kúni ótedi.
