Konkımen júgirý sportynan «Álem kýbogy» saıysynda el sportshylarynan joǵary jetistikterdi kútip otyrmyz - ulttyq quramanyń bas bapkeri
TANA. 24 qarasha. QazAqparat /Rýslan Ǵabbasov/ - Konkımen júgirý sportynan «Álem kýbogy» saıysynda Qazaqstan sportshylarynan joǵary jetistikterdi kútip otyrmyz. Bul jaıynda búgin Astanada atalǵan eleýli sporttyq sharaǵa baılanysty ótken baspasóz máslıhatynda ulttyq quramanyń bas bapkeri Vadım Saıýtın aıtty.
Erteń, elordadaǵy «Alaý» muz aıdyny saraıynda konkımen júgirý sportynan «Álem kýbogy» bastalady. Jarysqa álemniń 30-ǵa jýyq memleketinen 300-den astam sportshy bul dodada baqtaryn synaıdy. Olardyń arasynda Olımpıada oıyndarynyń júldegerleri men Eýropa chempıondary jáne rekordshy sportshylar bar.
Ulttyq quramanyń bas bapkeri Vadım Saıýtın Qazaqstan sportshylarynyń beseýi alǵashqy 20 úzdikterdiń arasyna enetinine úmit artyp otyrǵandyǵyn, sonymen qatar 3-4 sportshynyń ondyqtyń ishinnen tabylýyna umtylys jasalatynyn jetkizdi. Osy arqyly Berlındegi Aqtyq kýbogke ótýge múmkindik jasalady.
Óz kezeginde «Alaý» muz aıdyny saraıynyń dırektory Naıl Nurov, qazirgi kezde sport saraıy atalǵan mańyzdy saıysqa saqadaı-saı ekenin jetkizdi. Ol bundaǵy barlyq tehnıkalyq qurylym men mamandar tolyq jasaqtalǵanyn aıta kele, shetelden kelgen meımandar daıyndyq barysynda muz aıdynyn joǵary baǵalaǵanyn eskerip ótti.
