Konkımen syrǵanaýshy An Álem kýbogynda «altyn» men «qola» oljalady
ASTANA. QazAqparat - Álemniń alty dúrkin Olımpıada chempıony Vıktor An Solt-Leık-Sıtı qalasyndaǵy short-trek boıynsha Álem kýbogynyń birinshi kezeńinde 1000 metrlik aralyqta jeńiske jetti.
1000 metrlik aralyqtaǵy aqtyq kezeńdegi Annyń kórsetkishi 1 mınýt, 25,446 sekýnd. Ekinshi bolyp gollandııalyq Shınkı Knegt (1 mınýt, 25, 626 sekýnd) kelse, úzdikter úshtigin 1.25,737 nátıjesin kórsetken Ońtústik Koreıa eliniń ókili Pak Se En túıindedi.
Reseılik sondaı-aq 3000 metrge júgirýde qola júldege ıe boldy. Sýperfınalda ol bul qashyqtyqty 5 mınýt, 12,334 sekýndta eńsergen. Bul básekede AQSh sportshysy Djon Selskı (4.59,528) úzdik tanyldy. Qytaılyq Shı Tszınnan 5.01,801 nátıjesimen ekinshi oryndy qanaǵat tutty.
