Konkı sportynan Qazaqstan Olımpıadaǵa 10 joldama jeńip aldy

ASTANA. QazAqparat - Ońtústik Koreıanyń Phenchhan qalasynda ótetin XXIII qysqy Olımpıada oıyndaryna konkı tebý sportynan Qazaqstan 10 joldama jeńip aldy, dep habarlaıdy QazAqparat tilshisi.

Halyqaralyq konkımen syrǵanaý odaǵy álem kýbogynyń tórt kezeńiniń qorytyndysyn jasap, 2018 jylǵy qysqy Olımpıada oıyndarynyń joldamalaryn tapsyrdy. Nátıjesinde Qazaqstanǵa konkı tebý sportynan 10 joldama buıyrdy.

Onyń úsheýin 500, 1 000 jáne 1 500 metr qashyqtyqta Ekaterına Aıdova jeńip aldy. Al erler arasynda  Roman Krech jáne Fedor Mezentsev - 500 metr, sondaı-aq, Fedor Mezentsev, Palkın Stanıslav jáne Denıs Kýzın - 1 000 metr qashyqtyqta Olımpıadada el namysyn qorǵaıdy. Al Denıs Kýzın men Fedor Mezentsev taǵy da 1 500 metr qashyqtyqta óner kórsetedi.

Esterińizge sala keteıik, Kýzın, Kreıch jáne Aıdova Vankýverde jáne Sochıde ótken Olımpıada oıyndaryna qatysqan bolatyn.