Konkı sporty boıynsha QR Chempıonatynyń alǵashqy jeńimpazdary anyqtaldy

dep habarlaıdy «Alaý» Sport saraıynyń baspasóz qyzmeti.

Klassıkalyq kópsaıystaǵy tórt qashyqtyq qorytyndysy boıynsha áıelder arasynda júldeli І oryn Jıgına Olgaǵa (Astana qalasyna) buıyrdy. ІІ jáne ІІІ júldeli oryndardy sáıkesinshe Ýrvantseva Elena (Petropavl) jáne Ivanova Marına (Qaraǵandy) ıemdendi.

Dál osyndaı klassıkalyq kópsaıystan erler arasynda І oryndy Beloýsov Artem (Astana), ІІ oryndy Baklashkın Maksım (Astana), ІІІ oryndy Mezentsev Feder (Almaty) aldy.

Jeńimpaz sportshylardy Qazaqstan Respýblıkasy konkı sporty boıynsha qurama komandasynyń bas jattyqtyrýshysy Vladımır Saıýtın jáne klassıkalyq kópsaıys boıynsha álemniń absolıýtti chempıony, 1500 metr qashyqtyqta Olımpıada júldegeri Oleg Bojev marapattady.

Búgin sprınttik kópsaıys boıynsha jeńimpazdar anyqtalyp, jalpy Chempıonattyń jabylý rásimi ótkiziledi.

Esterińizge sala keteıik, keshe 500 metrlik qashyqtyqta Qazaqstan rekordy jasaldy. Buǵan deıin Roman Krech rekordty Kanadanyń Kalgarı qalasyndaǵy bıik taýly muz aıdynynda jasasa, bul joly Astana qalasynda jazyqtaǵy muz aıdynynda óz rekordyn jańartty.