Kómirtegi beıtaraptyǵyna qol jetkizý: 18 jol kartasy ázirlenip jatyr

ASTANA. KAZINFORM – Qazaqstannyń kómirtegi beıtaraptyǵyna qol jetkizýdiń 2060-shy jylǵa deıingi strategııasy aıasynda 18 baǵytta jol kartasy ázirlenip jatyr. Bul týraly QR Ekologııa jáne tabıǵı resýrstar mınıstrligi Klımattyq saıasat departamenti Klımattyń ózgerýine beıimdelý basqarmasynyń jetekshisi Shattyq Tastemirova aıtty.

«Ótken jyly aqpan aıynda osy strategııa (Qazaqstan Respýblıkasynyń kómirtegi beıtaraptyǵyna qol jetkizýiniń 2060 jylǵa deıingi strategııasy – red) bekitilgen bolatyn. Qazirgi ýaqytta Ulttyq ekonomıka mınıstrligi osy strategııany júzege asyrý boıynsha jol kartalaryn ázirlep jatyr. Bizge túsken sońǵy málimet boıynsha, energetıka, kólik salasy sekildi túrli baǵyttardy qamtıtyn 18 jol kartasy jasalýda. Osy strategııanyń maqsattaryna qol jetkizý úshin arnaıy jumys toptary qurylǵan. Oǵan bizdiń mınıstrlik te, Aýyl sharýashylyǵy mınıstrligi de, Sý resýrstary jáne ırrıgatsııa mınıstrligi de – ár vedomstvo óz baǵyty boıynsha jumystarǵa qatysady. Qatelespesem, aldaǵy jyly Ulttyq ekonomıka mınıstrligi osy jol kartalaryn usynatyn bolady», - dedi ol SOP29 sammıtiniń qorytyndysyna arnalǵan baspasóz máslıhatynda Kazinform tilshisiniń suraǵyna jaýap bere otyryp.

Aıta keteıik, buǵan deıin Qazaqstan COP-tyń kelesi jıynyna deıin jańa Ulttyq deńgeıde aıqyndalatyn úlesti ázirleýi kerek ekenin jazǵan edik. 

Sondaı-aq, Qazaqmys korporatsııasy Balqash kóliniń ekologııalyq ahýalyn zertteýge 5 mln AQSh dollaryn bóletini belgili boldy.