Kómirhımııa – jańa draıver: salany damytýǵa arnalǵan jol kartasy daıyn
ASTANA.KAZINFORM — Energetıka vıtse-mınıstri Sanjar Jarkeshov tóraǵalyǵymen kómirhımııany damytý máseleleri boıynsha Jumys tobynyń otyrysy ótti. Jumys tobyna memlekettik organdardyń, salalyq uıymdardyń ókilderi men sarapshylar kiredi. Bul týraly vedomstvonyń baspasóz qyzmeti málim etti.
Otyrys barysynda qatysýshylar 2026–2031 jyldarǵa arnalǵan Qazaqstan Respýblıkasynyń kómirhımııa ónerkásibin damytý jónindegi Jol kartasynyń jobasyn qarady.
Qujat salany damytýdyń keshendi sharalaryn kózdeıdi, onyń ishinde:
- salany memlekettik qoldaýdyń tıimdi tetikterin qalyptastyrý;
- pılottyq kómirhımııalyq jobalardy iske asyrý;
- ishki jáne syrtqy naryqty kómirhımııa ónimderimen qamtamasyz etý;
- ishki tutynýdy yntalandyrý;
- ǵylymı-tehnıkalyq bazany jáne kadrlyq áleýetti damytý.
Talqylaý qorytyndysy boıynsha Jol kartasynyń jobasy túsken usynystar eskerile otyryp pysyqtalyp, keıinnen Qazaqstan Respýblıkasynyń Úkimetine bekitýge joldanady.
Aıta keteıik, Qazaqstan kómir qory boıynsha álemdegi jetekshi 10 eldiń qataryna kiredi.
Qazaqstan Air Products kompanııasyna munaı-gaz hımııasy jáne kómir hımııasyn damytýdy usyndy.
